De lêste tsjotterberjochten...

2 jannewaris 2012

Dat wie in moai begjin fan it nije jier. De nijjiersdûk yn Burum. Omdat wy ferline jier (en ek noch wol folle faker...) optreden ha yn Burum, wienen wy frege om dit tradisjoneel barren wat op te fleurjen. En omdat wy in fleurige bining ha mei Burum, koenen wy dit net wegerje en dienen wy dit graach.

It is altyd poerbêst ynoarder yn Burum. Noflike en gastfrije minsken, in tige entûsjaste doarpshûsbehearder en in protte publyk. No giet it op sa'n middei net om ús fansels, it is prachtich om te sjen dat op sa'n dei de dûkers de haadrol spylje. Mar leafst 85 minsken hienen harren opjûn foar dizze dûk. En neidat wy se mei in alarmpistoal it wetter ynsketten hienen, koenen wy dan ek allinne mar applaudisearje foar dizze weachhalzen.

Nei ôfrin noch in hearlik kopke snert en wy gienen mei in goed gefoel it nije jier yn. It aardige wie, dat wy in grutte bearenburchdoaze meikrigen. Foar de drokte, neffens de grutte animator. Yn it earstoan tochten wy dat der seis flessen fan Fedde yn sieten, mar dat foel ta. In pear hearlike blikken snert, yn 'echte' Unoxmûtse en foar elk oardel liter echte Sonnema!

Op it ynternet binne in hiele protte foto's, ferslachjes en filmpkes fan dit barren te finen. Sjoch bygelyks mar ris op: Nieuwsuitkollum.nl en op Wâldnet.

10 maaie 2010

Geert van Tuinen wie ús gasthear op de jubileumjûn fan 10 oktober ferline jier. In prachtjûn. No krigen wy fan Geert dit wykein berjocht dat syn webside de loft yn gien wie. Fansels mei in link - klik op it logo hjirnjonken - nei dizze side net ûntbrekke. Foaral omdat Geert ek meiwurket oan ús nije sjo! Hy hat de radiostikjes ynsprutsen dy't ús programma 't Is FEEST opfleurje...

Sels skriuwt Geert hjiroer:
En yndie: in moaie jûn wie it doe yn oktober. Ik hear goeie dingen fan jim nije show, en och, och, och, wat in opluchting dat de minsken myn stim herkenne….. Súkses noch mei alles en wy hâlde grif kontakt!
Groetnis, Geert.

8 maaie 2010

In link nei it fotoalbum op de fotosite fan Anjum. In smûk en gesellich optreden yn ús eigen gemeente. De fersoarging wie top! Klik hjir om de foto's te besjen.

7 maaie 2010

Wa't Kees is, wit ik net krekt mar it is wol hiel aardich dat hy in stikje oer ús makke hat yn de Fryske fersy fan Wikipedia. Klik hjir om dat stikje te lêzen.

Dei Klún en Knoffelhakke,
Niis is in stikje oer jimme oanmakke op de Fryske Wikipedy. Hjiryn stiet ek in ferwizing nei jimme webside. No soe ik der graach in foto by sette wolle, mar bin fansels bûn oan byldrjochten. Soenen jimme in foto tastjoere kinne om der by te setten? Dan sil ik dy der wol by sette, al stiet it jim frij om soks sels te dwaan. Mocht der ynfo yn it artikel stean dy't better kin, dan ek graach efkes berjocht.
Groetnis, Kees Swart

12 april 2010

Lokkich falt de rêchblessure fan Broer wat ta, it giet al in hiel stik better. Wy binne dan ek foarsichtich wer begûn mei optredens. Ôfrûne sneon yn Nij Altoenae. Fan harren webside plukten wy dit berjochtsje:

Cabaretvoorstelling van Klún en Knoffehakke met meer dan 50 bezoekers een groot succes. Het publiek werd zaterdagavond 10 april in dorpshuis de Utwyk op humoristische wijze betrokken bij de voorstelling. De meeste bezoekers gingen naar huis met overbelaste lachspieren!

3 april 2010

Us optreden op 3 april 2010 yn de Balstien te Noardburgum giet net troch. Fanwege in slimme rêchblessure fan Broer moatte wy even kalm oan! Fansels wolle wy it graach ynhelje yn Noardburgum. Wy hâlde jimme op 'e hichte...
Dit optreden is ferskood nei 30 oktober 2010! Selde tiid, selde plak...

13 maart 2010

Us seisde programma is yn premiêre gien! In útferkochte teaterseal yn it bowlingsintrum fan Dokkum, in hiele protte fleurige minsken en in geweldige sfear. De reaksjes wienen hiel goed. Dat it belooft wer wat foar dit programma. Op
www.waldnet.nl in protte moaie foto's fan dizze geweldige premiêre. Mei tank oan Geurt en Jochem!

10 oktober 2009

In prachtige jubileumjûn yn it Bowlingsintrum te Dokkum. Wâldnet hat in protte foto's makke en ek op de side fan Lets's Dance steane foto's fan dizze bysûndere jûn. Klik op ûndersteande links om al dy prachtige foto's te besjen. Mei tank oan Geurt, Jochem en Gea.
www.waldnet.nl
www.orkestletsdance.nl