Teaterduo Klún- en Knoffelhakke út Hantum
- Sjoch op it kaartsje - binne sûnt 1994 op paad mei harren jûnsfoljende programma's.

ALVE STEDEN EN IEN DOARPKE gie op 8 oktober 1994 yn premiêre en de lêste útfiering wie op 30 april 1999 yn it 'Geahûs' te Garyp. Klún en Knoffel ha it sa'n 75 kear opfierd.

WAT?... it WAAD harren twadde programma gie op 12 oktober 1996 yn premiêre en is op 16 april 1999 foar it lêst spile yn kafé 'Veldzicht' te Mitselwier. Dit bysûndere programma is 46 kear op'e planken brocht.

Op 24 febrewaris 2001 gie harren tredde programma KOMMERSJEEL! yn premiêre. Krekt as de earste twa programma's wie dit ek wer in sjo fol mei nuvere typkes en frjemde foarfallen. Sjoen de reaksjes beloofde 'Kommersjeel' in grut sukses te wurden. En dat wie ek sa, want it programma is 73 kear spile wurden en waard op 19 novimber 2003 yn in folle seal yn'e Lawei te Drachten foar it lêst op'e planken brocht.

Op 14 en 15 novimber 2003 gie it FJIRDE programma yn premiêre. It fjirde programma wie
IN MOAI STIKJE alhiel fersoarge troch Sake & Sije, dy't harren nocht hiene fan dy eigenwize kabaret-mannen dy't altyd te let wienen. Boppedat trouden Froukje en Kees dat de brulloft moast ek noch tared wurde... It programma is mear as 110 kear spile wurden en waard op 5 jannewaris 2006 foar it lêst op 'e planken brocht yn Marrum.

Op sneon 10 febrewaris 2007 gie it fiifde programma yn premiêre yn it Bowling- en Sealesintrum te Dokkum. Klún & Knoffelhakke sochten yn dit programma
IT IS DE BOER ALLIKEFOLLE... de rêst op, want se hienen it mei harren fjirde programma o sa drok hân... Mar it pakte oars út! Ek dit rêstige plakje waard opsocht troch alderhande frjêmde rêstsikers en nuvere 'kultuerhappers'. It wie wer in hiel spektakel dat it publyk wer in noflike jûn besoargje hat.
De derniêre fan dit programma wie op 27 novimber 2009 yn Bakhuzen en it is mear as 110 kear spile wurden!

Op sneon 13 maart 2010 gie it seisde programma fan Klún & Knoffelhakke yn premiêre yn it Bowling- en Sealesintrum te Dokkum. It programma hat de titel
'T IS FEEST meikrigen en is mei ynspirearre troch it 15 jierrige jubileum fan it duo. De twa mannen besykje in grut feest te organisearjen en sjoen de reputaasje fan dit duo soe it wol ris in grut sukses wurde kinne! As miskien ek wol net...
It programma kin fanôf no boekt wurde. Ha jimme belangstelling? Wachtsje dan net te lang, want der is no alwer in protte belangstelling en Klún & Knoffelhakke trede mar ien kear yn 'e wike op!